صباح الخير يا أردن

 

برنامج صباح الخير يا أردن يطل عليكم بفقرات منوعة واخبار جديدة تابعونا . . .

 

00:00 البداية

03:02 خفايا الحكاية

22:13 إللي مش كارو

36:11 ضيف الاسبوع

01:00:18 ترند الاسبوع

01:11:43 مصاريك بأمان

01:17:37 تقرير الرسام أحمد الريماوي

01:21:08 بالسمن البلدي

01:28:14 من الذاكرة

 

**********

 

خفايا أول بناء في مدينة الكرك التاريخية - خفايا الحكاية

 

بهذه الحلقة من فقرة خفايا الحكاية مع بركات الزيود رح نتعرف على خفايا مدينة عاصرت العديد من الحضارات على مر الزمان، مبانيها القديمة جاورت مبانيها الحديثة، حكم حجارتها العديد من الملوك والحكام. 

فيها قلعة انطلقت منها العديد من الحروب والغزوات، محصنة من كل الجهات طبيعيا وأيضا بتحصينات من صنع الإنسان، بركات الزيود رح ياخذنا لمدينة الكرك ويرويلنا خفايا حكايات المدينة وقلعتها اللي تعتبر أول بناء في المدينة

 

**********

 

ما بين الماضي والحاضر، الفرن التقليدي ما زال حاضرا  - اللي مش كارو

 

غيث الرقاد جرب العمل بمهن متعددة من بداية برنامج صباح الخير يا أردن، وبهاي الحلقة من فقرة اللي مش كارو، قرر يجرب العمل بمهنة جديدة. غيث رح يروح فينا لجبل النصر، ليعمل بمخبز يدوي قديم. ما بين العجن والخبز والحساب، هل رح يقدر غيث على هاي المهنة؟ 

 

**********

 

تقرير الرسام أحمد الريماوي

 

رسام أردني وجد من موهبته وسيلة لإسعاد الغرباء - صباح الخير يا أردن

 

أحمد الريماوي رسام أردني شاب، وجد طريقته الخاصة لإسعاد الناس الغرباء عنه وما بعرف عنهم إشي، لكنه استغل موهبته برسم الابتسامة على وجوهم في الشارع العام. ا

الريماوي بيرسم الغرباء ليبعث الفرحة في قلوبهم دون أن يعرفوا بإنه برسمهم أصلا، وبس يخلص رسمته بصور ردة فعلهم وبنشرها على السوشال ميديا.

 

**********

 

شابة أردنية اكتشفت مرضها بنفسها بعدما عجز الأطباء عن تشخيصها - ضيف الأسبوع

 

تخيلوا تعيشوا بألم، تشكوا همكم لأهلكم للأطباء ولأصدقائكم، لكن ما حدا عارف شو وجعكم، وشكواكم ما بتلاقي آذان صاغية،  الكل بعتقد إنه ما في إشي، والألم اللي بتحسوه بس بمخيلتكم. تخيلوا تتمنوا بكل زيارة طبيب جديد إنه يكون هو الحل لمشكلتكم لكن بترجعوا بخفي حنين، ويكأن شيئا لم يكن. اليوم رح نرويلكم قصة، قصة بدأت بألم لكن على مدار سنوات ما صاحب هذا الألم إلا ابتسامة وعزيمة صلبة كجلمود صخر. 

بهاي الاستضافة رح تتعرفوا على قصة إسراء التايه، اللي عجز الأطباء عن تشخيص ألمها ومرضها، لغاية ما هي بذاتها وبعمر 15 سنة قدرت تشخص حالتها المرضية عن طريق مطالعتها وقراءاتها اللي كانت مهرب لها من ألمها ووجعها. إسراء مصابة بمتلازمة نادرة جدا اسمها إهلرز-دانلوس وهي مجموعة من الاضطرابات المتوارثة التي تؤثر على الأنسجة الضامة، خاصةً الجلد والمفاصل وجدران الأوعية الدموية. هاي القصة فيها ألم لكن فيها حب وتعلق وإصرار على الابتسامة رغم كل شيء، تعرفوا عليها من  إسراء التايه ووالدها الدكتور محمود التايه.

 

**********

 

التسقاية . . . أكلة تقليدية غير معروفة بمكونات بسيطة جدا - بالسمن البلدي

 

التسقاية هي أكلة تقليدية بتنعمل عند موسم حصاد القمح أو حلب الأغنام، وتصلح كطبقق مالح وحلو. بهاي الحلقة من فقرة بالسمن البلدي،  الشيف محمد عليان حضرلنا الأكلة بالعاصمة عمان.

 

**********

 

السعودية تتصدر ترتيب الاقتصادات العربية لعام 2021 - مصاريك بأمان

 

بهاي الحلقة من فقرة مصاريك بأمان مع نور المال، هديل النماس عرفتنا على ترتيب الاقتصادات العربية لعام 2021.

 

**********

 

الفنانة قمر الصفدي برحلة من الذاكرة  - صباح الخير يا أردن

 

ضيفة فقرة من الذاكرة لهاي الحلقة لقبت بعميدة الممثلات الأردنيات، من صغرها وعندها العديد من المواهب، بلشت بتميزها الدراسي وانتهت بكونها فنانة شاملة حصدت محبة جمهورها. ما بين دورها في أول مسلسل أردني تم إنتاجه وما بجعبتها من لائحة أعمال طويلة، قدرت توصل بصوتها الدافىء ومخارج حروفها السليمة لتلامس قلوب الناس.

عرفت بالعديد من الأدوار إما على خشبة المسرح أو عبر الشاشة الصغيرة، في أدوار حبيناهم وفي أدوار لغاية اليوم بنشعر بالغضب تجاههم. بنقدر نقول: "الناس عندهم قمر وبالأردن عنا قمرين". رحلة من الذاكرة مع الفنانة القديرة قمر الصفدي.

 

**********

 

فقرة ترند الأسبوع

 

آخر ما تم تداوله عبر مواقع التواصل الاجتماعي تحت العناوين التالية:

- فيديو بعنوان "أزكى مخالفة" يثير غضب الأردنيين بعدما أقدم شاب أردني على نشره عبر تطبيق تيك توك إثر تلقيه مخالفة من الشرطة النسائية.

- رحيل ميسي عن برشلونة يشعل مواقع التواصل الاجتماعي حزنا 

- بالتزامن مع غزو كورونا لرئة الإنسان...حرائق تحول رئتي العالم إلى رماد

- صورة للشهيد وصفي التل جالسا على الأرض تشعل المقارنات بينه وبين رؤوساء الحكومات اللاحقين

 

شاهدوا برنامج #صباح_الخير_يا_أردن يوم الجمعة الساعة 9:30 صباحاً

 

تابعونا على النايل سات، تردد:11957 أفقي

 

http://ammantv.net

http://twitter.com/AmmanTVOfficial

http://facebook.com/AmmanTVOfficial

http://instagram.com/AmmanTVOfficial

حلقات أخرى

مشاهدة المزيد ...

مواضيع ذات صلة